गड-किल्ले, छत्रपती शिवरायांचा पराक्रम यांच्यासह राज्याच्या संस्कृतीचे दर्शन हरियाणातील फरिदाबाद येथे आयोजित ३३ व्या 'सुरजकुंड आंतरराष्ट्रीय शिल्प मेळयाचे' उद्घाटन मुख्यमंत्री देवेंद्र फडणवीस व हरियाणाचे मुख्यमंत्री मनोहरलाल खट्टर यांच्या हस्ते झाले.
महाराष्ट्राला या मेळयाच्या थीम स्टेटचा मान मिळाला होता, महाराष्ट्रातील गडकिल्ले, छत्रपती शिवरायांचा पराक्रम तसेच महाराष्ट्राचे सण-उत्सव व गौरवशाली परपंरा दर्शविणारे विविध देखावे आणि रेखाचित्रांनी सुरजकुंड सज्ज झाले होते. या मेळयात राज्याची हस्तकला, व्यंजन व संस्कृती बघायला मिळाली.
सुरजकुंड येथे आयोजित पत्रकार परिषदेत हरियाणा पर्यटन विभागाचे अतिरिक्त मुख्य सचिव तथा सुरजकुंड मेळा प्राधिकरणाचे उपाध्यक्ष विजय वर्धन यांनी मेळ्याची संपूर्ण माहिती दिली. केंद्रीय पर्यटन मंत्रालयाचे सचिव योगेंद्र त्रिपाठी, महाराष्ट्र पर्यटन विभागाच्या प्रधान सचिव विनीता सिंघल, महाराष्ट्र पर्यटन विकास महामंडळाचे व्यवस्थापकीय संचालक अभिमन्यू काळे यावेळी उपस्थित होते.
महाराष्ट्राचे मुख्यमंत्री देवेंद्र फडणवीस व हरियाणाचे मुख्यमंत्री मनोहरलाल खट्टर यांच्या हस्ते या मेळ्याचे उद्घाटन झाले. महाराष्ट्राचे पर्यटन मंत्री जयकुमार रावल, हरियाणाचे पर्यटन मंत्री रामविलास शर्मा, भारतातील थायलंड चे राजदूत चुटिन टॉर्न गांटा यावेळी उपस्थित राहतील.
सुरजकुंड मेळ्यात अवतरला महाराष्ट्र
या मेळ्याचे मुख्य कार्यक्रम स्थळ चैपाल रंगमंचाला ऐतिहासिक रायगड किल्लयाचे स्वरुप देण्यात आले होते. येथेच उभारण्यात आलेल्या मातीच्या छोटया-छोट्या घरांवर हत्तीवर आरुढ छत्रपती शिवाजी महाराज तसेच गडावर लढणारे शूर मावळे चित्ररुपाने दर्शविण्यात आले होते. शेजारीच मराठमोळी गुढी उभारण्यात आली होती. तर महाराष्ट्रातील दिवाळी सणाचे मुख्य आकर्षण असणारा आकाशकंदिल या मेळ्यात ठिक ठिकाणी लावण्यात आले होते. मेळ्याच्या मुख्यद्वाराच्या कडेलाच राज्यातील गड किल्ले यांच्या मोठमोठया प्रतिकृती उभारण्यात आल्या होत्या. तसेच मुंबई शेजारील जगप्रसिध्द एलिफंटा गुंफेतील त्रिमूर्ती ही आकर्षकरीत्या सजविण्यात आली होती. महाराष्ट्राची समृध्द लोककलाही या मेळयात ठिकठिकाणी पहायला मिळणाली. वासुदेवाच्या वेशातील कलाकार या मेळयात भेट देणा-या देशविदेशातील पर्यटकांना जनजागृती पर संदेश देण्यास सज्ज होते. तसेच या मेळयात सांस्कृतिक कार्यकम व मनोरंजानासाठी उभारण्यात आलेल्या विशेष कट्टयावर महाराष्ट्रातील कलाकार भारूड, लावणी आदि लोककलाही सादर झाली. महाराष्ट्राने केले देशाचे संरक्षण दृ विजय वर्धन यावर्षीच्या सूरजकुंड मेळ्याची थीम स्टेट असणारे महाराष्ट्र हे देशात अग्रेसर राज्य असून इतिहासात देशाच्या संरक्षणासाठी या राज्याने घेतलेला पुढाकार चिरस्मरणीय आहे. भारत देशाच्या संरक्षणासाठी दोन लाख मराठा सैनिक हजारो मैल हरियाणातील पानीपत येथे अहमदशाह अब्दालीचा सामना करण्यासाठी आले होते. या लढाईत मराठयांचा पराभव झाला मात्र देश संरक्षणासाठी त्यांनी दिलेले बलिदान अनन्य साधारण असल्याचे विजय वर्धन यांनी या प्रसंगी. एवढेच नव्हे तर दक्षिण हरियाणात मराठयांचे राज्य होते. हा गौरवशाली इतिहास असलेला 'महाराष्ट्र ३३ व्या सुरजकुंड मेळ्याचे थीम स्टेट'. सतरा दिवस झालेल्या या मेळ्यात महाराष्ट्राची हस्तकला, व्यंजन आणि वैविध्यपूर्ण संस्कृती देश व जगातील पर्यटकांना अनुभवायला मिळाले.
सुरजकुंड मेळयाच्या माध्यमातून महाराष्ट्राची संस्कृती देश व जगात पोहचेली या मेळयात महाराष्ट्राचे ७५ स्टॉल्स उभारण्यात आले होते. सर्वोत्तम १०० हस्तकलाकार विविध हस्तकलेच्या वस्तू विक्रीसाठी ठेवल्या होत्या. राज्यातील १०० कलावंताचा चमू येथे दाखल झाला होता. हे कलाकार महाराष्ट्राची वैविध्यपूर्ण संस्कृती दर्शविणा-या सांस्कृतिक कार्यक्रमाचे सादरीकरण व मर्दानी खेळांचे प्रात्याक्षिक दाखविले. राज्याचे वैशिष्टयपूर्ण खाद्यपदार्थही याठिकाणी येणा-यांना चाखायला मिळाले. मेळयात मुख्य कार्यक्रमांची धुरा देण्यात आली होती. मेळाव्याच्या उद्घाटनाच्या दिवशी महाराष्ट्राच्या वैविध्यपूर्ण सांस्कृतिक वारशासह 'शिवाजी महाराजांचा गनीमा कावा' सांस्कृतिक कार्यक्रमाच्या माध्यमातून दर्शविण्यात आला.
सुरजकुंड मेळा प्राधिकरण व हरियाणा राज्य पर्यटन विभाग, केंद्र शासनाचे पर्यटन विभाग, वस्त्रोद्योग, सांस्कृतिक विभाग, परराष्ट्र व्यवहार विभाग यांच्या संयुक्त विद्यमाने १ ते १७ फेब्रुवारी २०१९ दरम्यान ३३ व्या सुरजकुंड मेळयाचे आयोजन केले होते. देशातील २९ राज्य आणि ७ केंद्रशासित प्रदेश तसेच एकूण ३० देश या मेळयात सहभागी झाले होते. या मेळयात थायलंडला सहयोगी देशाचा मान मिळाला होता.
